ආදරණිය තණමල්විල දිප්තයා වෙත... උබ අපේ යට ගියාව ඇවිස්සුවා...

උබ අපේ යට ගියාව ඇවිස්සුවා.

"විභාගේ පෙල් උනාම කරන දේ තමයි හිතුවේ."

ජිවිතේ සොදුරු වයසේ සියල්ල යටපත් කරගෙන කට්ටා පොළොවේ හැල්මේ දුවන නුබේ චරිතේ, වරිගේ පට්ටයි.

අපේ ගෙවල් වල විතරද මිසිස්සු ඉන්නේ...
ඇයි... උබලාගේ ගෙවල් වල සත්තුද ඉන්නේ...
නෑ.. නැ... නැ... ම.. මම කිවුවේ...
අනේ පලයන් බන් යන්න...

වෙලාවකට මට හිතුණා. උබේ හදවතට රිංගා බලන්න ඇත්නම් කියලා.

විරාගයේ , යුගාන්තයේ දෝලනයවී සිරි යහනේ මකුළු දැල් කැඩුවා කියලයි මට හිතෙන්නේ.
හරියට යශෝරාවයේ බලදේව වගේ.
උබේ උන්ට, නොහොදක් නෝක්කාඩුවක් වෙන්න දුන්නෙම නෑ..
තරාදිය වගේ...

මුහුදු හතකින් එහා පැරිස් සුවද හමා වතේ දැවටුනත්,
ගමේ දහදිය, වෙල් ඉපනැල්ලේ ගහේ කොලේ සුවදට උබ හදවතින්ම ආසා කළා.
දීප්ත රටඉදලා ගමට එන දවසේ.....මෙගා...

අඩෝ බොක්කා... දීප්තයා උබ අවා නේද.. උබ අවා...

ගමේ කොල්ලෝ එහෙම කියලා බදා ගන්නවා...

මං ගමට යනවා...........

කිතුලා සේව්න්දිකට පෙම්බැදි නටපු හැටි, පට්ටම සින් එකක්.
ඌ ගිය දවසේත් එහෙමයි.

වැලටත් බර, බඩටත් නැති පතොලයාගේ පිස්සු කතා යටි බඩ කොර උනා.

"ඒ පර බල්ලා අපිව දාලා ගිහිල්ලා බන්..."

මල්ලි... කටු නැති චිකන් දෙකක් දාපන්..
අපි කටු කෑවට... ලමයිටයි ගැනිටයි කටු කවන්න බැනේ..

අමමට හුඩු, ඒ සුස්ති මනෝ ලෝකය...

කූරා...නිකන් ගම්බිරිස් ඇටේ වගේ.
එත්... සුලෝ නොම්බරය නොදී ගිය එක හිත තැලිලා උන්නා එදා..

"අඩෝ පරයෝ මේ ගගේ වැලි අපිටත් අයිතියි.
පුලුවන්නම් නවත්තපල්ලා...."

ගේම මයි ඌ ඉල්ලන්නේ.

පැරදිලා පලා ගියේ නෑ...හා... රැවටිලා සුවේ හෙලා නෑ..
පිටු පාලා සුවේ හෙලා නෑ...හා.. මා කවදාවත් වෙනස් උනේ නෑ..

ජගා එහෙම ඇක්ෂන් දමා කිවත්
සුලෝ මෙහෙම කියනවා

'සමහර කෙල්ලෝ කැමති නෑ...විභාගේ ඇන ගත්ත කොල්ලන්ට...
සුලෝ ආස ලස්සන කොල්ලන්ට...
මේ... මන් වෙනස්...
මේ පතෝ...
මම කිව්වේ සමහර කෙල්ලන් හිතන විදිහ...'

උසස් කුලේ සුලෝට... පහත් කුලේ ජගාට මනාපයක් නෑ...

"මං සුලෝව බදිනවා යකෝ මං සුලෝව බදිනවා.
සුලෝලා ගෙදරින් මට කැමති නෑ. අපේ පරම්පරාවම බෙරකාරයෝ උනාට මං ඩ්‍රම්ස් ගහන එකෙක් යකෝ...."

සුලෝ දුවිලෙන් වස්තුනු තවරු එක යායේ එකට උන් නොදක්කාසේ සිදාදියේ රහසින් යනවා.
අපේ ගම්වලත් දෙතුන් දෙනෙක් කෙල්ලන් කොලොබදී අපෙන්ම නොදන්න විදිය අහලා එහෙම මාරු වෙනවා.

අසා ඉමු අපි...සුමුදු වැල්ලක...
සයුර මුමුමුන පෙම් කතා...
බලා ඉමු අපි...
ඇත සිටිජයේ මැවෙන හසරැලි පෙම් රටා...

සොරි...සොරි...
පට්ට බැල්ලි...

දිප්තට ඒවාට ලැජ්ජයි...

අලියා වැටුණු වැවේ වගේ අතීතේ මතකයන්

'මාත් ආසයි ඔයත් එක්ක ගිලෙන්න...'

වැවේ මන්කඩේ දග
දන්නෝ දනී.

කෝකටත් තයිලයට පට්ටියේ උන්නු උදිතයා උස්ගලේ ලොකු සාදු උනා පොසොන් සදක් පැවූ දිනක. හරියට කුසුම්සිරි ඇගේ...

ඩින්ගා අයියා වගේ විනෝදයට බර, පොඩි පඩ බිස්නස් කරමින් කාලේ අනුව වෙනස් වෙමින්. හයියක් වෙමින්. මේ වගේ පොකුරක ගුරු හරුකම් කියා දෙන දුකේදී සැපේදී පිහිටවෙන, සොරොම් අදින ලොස් නැති අයියා කෙනෙක් ඉන්නවාමයි .
හරියට යක් දෙහි ඉස්ම වගේ...
අපේ ගමේ අතුරේ යන පොල් මල් තලන, දේශීය මන්ඩිය හැදී ගාන චුට්ට් අයියා වගේ...

"හා.හා පුරා යමුද කතරගම ගිහිල්ලා එන්න.."

අබ ඇටයක් වැටුනත් මල පනින. කෙටි දරදඩු වචන කියන ලොක්කා අයියා ආමි උණ හොද කරන්න බැ...

"කාපන්උබ හන්දා ගේනවා
යකෝ තෝ විභාගේ පෙල් උනා කියලා ගෙදරින් කන්න බොන්න එපා කිවේ නැනේ...
යුද්දේ කරපු සල්ලි වලින් මේවා ගේන්නේ..."

බුළුවල අයියා වගේ...විනාශේ වගේම ඇත දකිනවා.හිත හොද උනත් පොසස් නිසා ඇම්ම.

"ජගා ගාව ඇති බන්...

වන වදුලේ වසන්තේ වෙන්න ඇති...

ඇත්තද අපේ හාමුදුරුවෝ කියනවා අපි කරපු දේ විතරයි ඉතිරි වෙන්නේ..."

ජගාගේ සුලෝගේ ආදර දෙබස් අමුතු ගතියක් දැනෙනවා...!

යශෝදරා අක්කාගේ පොත් රාක්කේ දුවිලි බැදී ඇති බව කියයන්නේ ඇයයි.
නොකීවට ගමේ හිටියා ප්‍රේමා අක්කා වගේ.

ගොම පොළොවට පය ගස ගෙන කතා නැති සරළ තාත්තා කිරි අප්පචිචි වගේ..

"ඔන්න ඔහේ මට තේ ටිකක් හදලා දියල්ලා..

දීප්තගේ තාත්තා ඔහේ කියාගෙන යනවා."

වන්නියේ වැරදිලාවත් අවොත්
දැදුරු ඔයෙන් නාලා, තෙප්පලි බියිට් එක්කලා රා කලයක් තොල ගලා ඇන්න යන්න වරෙන්...
සෙට් එකේ ඔක්කොමට අයියනායක දෙවි පිහිටයි

ඕන යටි බඩක් බන්...

"ඉස්ම යකෝ අපි"

- මං

- වන්නියේ කොල්ලේක්

බැතියෙන් සපිරුණු ඔබගේ ලෝකය... නොදහම මැද මියෑදී අවසානය...!

ලෝකයේම අංක එකේ බලවතා වන ඇමෙරිකාව පාලනය කරන ජනාදිපති ඩොනල්ඩ් ට්‍රම්ප්ද, මා ජිවත් වන ජ්ර්මනියේ යකඩ ගැහැනිය ලෙස ලෝකයම බලවන්තිය වන ඇන්ජෙලා මාකල්ද, එංගලන්තයේ රජ කිරුළ හිමි චාල්ස් කුමරු ඇතුළු ලොව අනිකුත් ප්‍රබල හා දුබල රාජ්‍යය වල නායකයෝ මේ මොහොතේ කොරෝනා වෛරසය හමුවේ අසරණවී ඇත.
රෝගය පැතිරි මසක් පමණ ඇතුලත පෘතුවියේ ජීවත්වන සියලුම මිනිස් වර්ගයා ජාති, ආගම් කුල,වර්ණ බේද නොකොට සියලුම කෙරුම්කාරයෝ නිවසට ගාල් කර ඇත.එම පොළොවේම මෙතෙක් කල් හිරවී වාසය කළ සියලුම සත්වයෝ අතරින් නිල්වන් අහස සිසාරා පක්ෂීන් නිදහසේ ඉගිලී පියාබමින්ද,මහ පොලොව මත සියලු සතා සිවුපාවෝද, වැව් පොකුණු දිය ඇලි ගංගා මහා සයුරෙහි මසුන් ඇතුළු ජලජ ජීවින්ද මේ ගෙවන්නේ නිදහසේ අරුණලු උපරිමේ සමයයි.

චීනයේ මකරාගේ අත් පා සියල්ලම ව්හිදුවා ඇමරිකා රාජාලියා,ඔස්ට්‍රේලියාවේ කැන්ගරුවා,ස්කැන්ඩියා හිම වලසා,අප්‍රිකානු දිවියා,ජපානයේ පැන්ඩා, බ්‍රසීලයේ බැබුන්,නොර්වේ සිල් මසුන් මෙම කොරෝනාව නිසා අල්ලා කොර කර පොළොවේ ගසා ඇත. මේ මොහොතේ මුළු ලොවම බිය වී සලිතව වෙවුලමින් සිටි.

මාද...ඔබද...ඇතුළු අප සැමගේ ජිවිත හෙට, අනිද්දා, ඉන් අනිද්දා කා අතේද.. තව ටික දොහකින් කොතනින් කෙලවර වෙයිද...
හැම අතින්ම බලවත් ධනවත් නිදහසක් ඇති රටක ජීවත්වන මා සිතුවේ මේවා ජර්මන්කාරයට සිම්පල් සිතාය. එහෙම සිතුවේ කිවේ ඔවුන් පට්ට වැඩඩො බව දන්නා නිසාය.එය වචනේ පරිසමාප්තයෙන්ම ඇත්තය. හේතුව ජිවිතේ හරි අඩක් ගෙන්දගම් පොළොවේත් ගොම පොළොවේත් දෝලනය වී ඉතිරි බාගේ මේ මොහොත වන විටත් මේ හිම පොළොවේ ජිවත් වන්නේ ජර්මනියට පිංසින්දු වෙන්ටය.
එහෙ මෙහෙ හක්කලන් නටමින්, ලැබෙන දෙයක් කරමින්, තියෙන දෙකක් කා ගෙන බීගෙන සැහැලුවෙන් ජීවත් වන්න අදටත් උත්සාහ ගනිමින් සිටිමි. පස්ටා සමග පරිප්පු කැවේ, කන්නේ දැන් මේ ජීවීතේට හුරුවී අඩූ බඩු අබල දුබල ශරීර කූඩුවට දෑනෙන නිසාය. මොකා මොනා කිවත් මට ජ්රමන්කාරයෙක් මේ සම්මාත්ජාතියේ විය නොහැක. යුරෝපයේ ලැබූ අත්දැකීම් සමග මා කල්ලෙකි.
කොරෝනා වෛරසය අරුද මුද අවශ්‍ය නැත.ලෝක පුජිත ධනවත් පෘතුගාල් පාපන්දු ක්‍රීඩක රොනල්ඩ්ඩොද, අපේ ගමේ කිරි දොවන එල්ලේ ගසන ප්‍රේමයාද එකය.වෙනකක් තියා අපි හැමෝම එක මල්ලේය.

"මේ වෛරසය උබලා හැදුවේ..." ඇමරිකන්කාරය චිනාට ඇගිල්ල දිගු කරයි.

"නෑ.. අපි නොවෙයි උබලා අපිට අත්හදා බලා අපිට කෙලවන්න රහසේ එවපු දෙයක්...'
චීනා එහෙම කියයි.

"තොපි දෙගොල්ලොම එකතුවෙලා ඩිස් මිස් වෙලා ලික් උන දෙයක්..."
ලෝකයා එසේ කියයි.

"මේකයි මචෝ මේක බෝවෙන්නේ මෙහෙ ගොඩක් නාකි උන්ට රෙන්ට් එක ගෙවන්න ඔහේ මැරෙන්න යවනවා..."

ඉතාලියේ අපේ එකෙක් එහෙම කියනවා.

"පිස්සුද බන් ඉත්තෝ හොද උන් බන් අපේ අයට කොච්චර උදවු කරනවද...'
මම එහෙම කියනවා
එක නම් ඇත්ත..

"මලේ මේක දෙයියන්ගේ ලෙඩක්...කෝ තවම බෙහෙතක් හේතක් නෑ..."

"උබට මතකද ගන්ගොඩේ රා මැදපු චුට්ට අයියා...
ඒ කාලේ උටත් හොයාගන්න බැරි ලෙඩක් හැදුනානේ...
වෙදමාමා අපේ ලොකු අප්පචිචි නොවැ ඒ සන්දියේ..."
"ඉතින්..."
"අමු කොහොබ පාවට්ටා දළුයි එකතු කරලා මෙට්ටයක දවස් දෙකක් ආව තේව කරන් හක්කලා ඊලග දවසේ පට්ට අවුවේ පැගිරි කොළ පත ලාවට හිදොල හරමානිස් ගොයීයා එක්කලා හිටන් නැව්වා කියහන්කෝ...
හවස තොවිලයක් නැටුවා අයියනායක දෙවියන්ට...
ඔය අගේට හොද උනේ
මේවා දෙයියන්ගේ ලෙඩ... බෙහෙත් නෑ මලේ..."

"මොකද්ද මේ ලෝක විනාසේ...???"

හිතලා දුක සැප අහගන්ට කියලා
යමක් කෙමක් දන්න ගමේ තෙන්නේ අයියාට වයිබර් එකෙන් කැඩි කැඩි කතා කරන විට බුලත් හපේ හක්කේ තියන් එහෙම ගමේ තෙන්නෙ අයියා එහෙම දෙසා බෑවා.
අතීතයේ සිට ලක්දිවට ඇතිවූ කරදර සියල්ලම පාහේ ජයග්‍රහණ ලබා තිබෙනවා.ඒ දහසක් දෙවියන්ගේ බුදුන්ගේ බැල්මත් නිතරම ලෑබෙන නිසා බව මා විස්වාශ කරනවා.
මෙවැනි රෝග දුර්බික්ෂ ශිලා යුගයේත් අත්විඳීමට සිදුවූ බවට සාකෂි හමුවී තිබේ.
බුදුන්ගේ සමයේත් උන්වහන්සේ රජගහනුවර වැඩ වසන සමයේ විසාලා මහනුවර තුන්බිය ඇතිවූ විට අප ගෞතම බුදු පියානන් වහන්සේ දහස් ගනනින්වූ රහතුන් වහන්සේලා පිරිවරා
නගර ද්වාරය අසලින් අසුන්ගෙන මහා බලසම්පන්න රතන සූත්‍රය දේශනා කර එම මහා වසංගතය උන්වහන්සේලා නැවැත් වුහ.
මගේ මවුබිමේ ඇත්තෝ ඒ අතින් බොහෝ පින් කර ඇත.
පසුගිය කාලේ සුනාමිය නිසා ඇති වූ හානිය, අවුරුදු 30 ක් ඒ කුරිරු යුද්ධය නිසා අහිමි වූ මිනිස් ජිවිත, දෙපළ,මුදලේ අගය කඩා වැටීම් හමුවේද...මේ මොහොතේදී...
කොරෝනා බැක්ටිරියාව හමුවේ අද නොසැළී බර්ලින් තාප්පය වගේ නොසැළී සිටි.
සුද්දා හාන්සිය.කයිවාරු ගසන, අපිට මානව හිමිකම් ගැන උගන්වා නියෝග දෙන යුරෝපීය සංගම් අද බොද වෙලාය.
මහා බලගතු සුරූපි ඉතාලියානුවො තනි වෙලාය. රෝමයේ ලොක ප්‍රසිද්ධ චිත්‍ර ශිල්පී ලියනාඩෝ ඩාවින්චිගේ චිත්‍ර යකූ දේව දූතිය ගේ දෑස කදුලින් සායම් බොදවී තෙත් වී යයි. වතිකානුවේ සීනු හඬ පරදා මළවුන්ගේ විලාපයයි. මිලානෝ පස්ටා, මෝදනා රතු වයින්, මෝදනා ඔලී ඔයිල් රස නහර පිනා ගිය අතීතය අමතක නොවේ. බොන සෙරා...
එදා ස්පාඤ්ඤයේ ගත කළ සමයේ නැරඹූ 92 බාසිලෝනා ඔලිම්පික් උළලේ මීටර් 100 දුවා ලෝක වාර්තා තැබු ඇමරිකන් කගවෙනා කාල් ලුවිස්ගේ ලෝක වාර්තා හමුවේ සතුට රැව් පිළිරැව් දුන් රතු පලස මතින් ඔල්වරසන් හඩ පරදා මට මේ මොහොතේ ඇසෙන්නේ කොරෝනා රෝගීන්ගේ විලාපයයි. අසරණවූ ලස්සන ස්පාඤ්ඤයයි.

යුරෝපයේ එක බෝඩරයක් වසන විට තවත් බෝඩරයකින් කොරෝනා හැංගි හොරා වීසා නැතුව ඇතුළුවෙ.
එදා මා නයි මල්ල කරේ තියං ගිය අති සුන්දර බාසිලෝනා වෙරළ තිරය, පිසා කුළුණ, පැරිස් කුළුණ. බර්ලින් තාප්පය,ලුඩ්ස් අන්දොරා නිම්නය, නෙදර්ලන්තයයේ සුන්දර මල්වතු සුවද, බෙල්ජියමේ ඝන කැලෑ මල් සුවඳ, සුවිස් ඇල්පයින් හිම කඳුකරයේ දෝංකාරය, ජර්මනියේ කොලොන් නගරයේ ඔඩි කොලොන් සුවද කොර කර කොරෝනා වෛරසය ගලා හමා යයි.
මම මගේ දරුවෝ තුරුළු කරන් නිසංසල රයින් නදියට සාමාන්තරව ඉහලින් නිල්වන් අහසේ සිත කාලයේ සිට උෂ්ණ කාලයට මොරොක්කෝ දෙසට පියාබන සුදු කොක්කු රෑනනුන්ගේ චාමත්කාරය පමණක් නිවසේ හිම කවුළුවෙන් එබී නෙතින් පමණක් විදිමින් සිටි.දුකක් සමග සන්තාපයක් තනි කමක් සිතට නැගේ. හිත සෙමින් ගමට යයි.
වන්නියේ ගමේ ඉන්න කාලේ... අලියාවැටුණුවැවට උඩින් පියබා ගිය සේරු රෑන බලා සිනා සෙමින් කොල්ලෝ සමග අත්පුඩි ගහපු අතීතය මතක් වේ.උන් වැවට ලෑන්ඩ් කරන හැටි,කොරෝවක්කෝ, කිරල්ලු ඒ බයට කැ කෝ හඩලන හැටි, අපි කෙල්ලෝ සමග බලා වන් හුන් වෙමින් බටලන්දේ බලා උන්නේ මා දන් ගස් උඩ රත් පැහැති ඉදි ගෙඩි වළලු ඉනේ බැදන්ය.සමහර කොලොන්ගේ සරොම කැහැ පොට ගහේ පහළ අතුවල කරුවක එල්ලී ඉන්න මා කඩා සිනා හඩා වූ අතීතය පට්ටය.
මගේ කෙල්ලෝ දෙන්නාට මා එදා ගත කළ ඇලේ දොලේ ගහේ කොලේ පට්ට පරිසරයත්, සතා සිවුපාවා හා බැඳුණු ආදරයත් කරුණාවත්, ඒ සුන්දර නිදහස් ළමාවියත් ආයෙ ලැබෙන්නේ නැත.
දැන් උන් මගේ කරට උඩින්ය.

ගමේ රන්බණ්ඩා මාමේ, හිලොගමේ ලොකු නැන්දේ,පස්යාලේ සුදු මාමණ්ඩි, තලාවේ අනෝමා නංගියේ,වැහැර රත්නේ අයියේ,මැද කොලොබ අපේ මහගෙදර අවට ජිවත් වන නෝනිස් අන්කල්,මාග්‍රට් ඇන්ටි, නෙවිල් අයියේ, කවිදු පුතේ උබලාට හා මෙකි නොකී උබලාට රත්‍තරන්වූ පොළොවක් මත තුර ලතා පිරි ඇළ දොළ ගංගා පිරි පට්ට ඉතිහාසයක් සමග දේදුනු වර්ණ සංස්කෘතික්,හෙළ ගොවි වෙද වට්ටෝරු පුස්කොළ පොත් පඩුවස්නුවර මාලිගයේ තවමත් උන්මාද චිත්‍රාගේ පොකුණට දිය නොවී යහතින් ඇත.
මුහුනෙ සුදු හදුන් අඹරා ගාපල්ලා...
කොහොඹ කොළ තම්බා බීපල්ලා නාපල්ලා...
පාවට්ටා කංසා කොළයක දුමක් ඇදපල්ලා...
කොස් දෙල් පොලොස් කහ ගොරකා ඇඹුලක් කාපල්ලා...
හාතවාරිය ගොටුකොළ රස වඩියක් බීපල්ලා...

නුබලාට බුදුන්ගේ දෙවියන්ගේ පිහිටයි....!!!

ගිරාතාලනේ නංගියේ..මලේ..නැන්දේ..මාමේ කොට්ටම්බාස් ඒරොප්පෙ කාසි තමා ඔන් එහෙනම්.....

කෘෂිකර්මාන්තය කියන මාතෘකාව ගැන කතා කරන්න ගත්තහම හේන් ගොවිතැන ,වී ගොවිතැන,නිවෙස් මට්ටමින් සිදු කරන වගාව වගේ මාතෘකා ගොඩක් ගැන කතා කරනවා .හැමතිස්සෙම අපි කතා කරනකොට අපි කතා කරන්න ගොඩක් valuable products ගැන මොකද හැමෝටම මූලික අරමුණු සල්ලි. ලංකාවේ ඉදලා ගොඩක් අය කතා කරනවා ගොඩක් අය මැසේජ් කරනවා හැමෝම ඉක්මනින් පහසුවෙන් සල්ලි හොයන්න ක්‍රම හොයනව .ඉතින් අපේ වැඩත් අතපසු කරගෙන රන් හා වටිනා කාලය මිඩංගු කරගෙන අතින් ගෙවා අපි මේ අයට පොඩි තල්ලුවක් දෙන්න උත්සාහ ගන්නවා. තොරතුරු සොයා දෙන්නත් වචනයෙන් හෝ පොඩි උදව් පදව් කරන්නත් අප නිතරම උත්සාහ ගන්නවා. වෙලාවක් ඇත්නම් ඒ මගේ මව් බිමේ කිසියම් හෝ කෙනෙක් දියුණු වෙනවා දකින්න කැමතියි නිසා. නොකිව්වට නොලිව්වට එහෙම ඔත්තු දීලා උදව් කරපු අය සත් සමුදුරෙන් එහා සිට බැඳි බැමි කඩාගෙන තම දියුණුව කරා යන එක ගැන සන්තෝසයි මට. එහෙම ඉස්ම තිබෙන පින්වත් පිරිස බොහොමයක් ඉන්න එක ගැනත් සන්තෝසයි වගේම ආඩම්බරයක් දෑනෙනවා.

එත්....ඉතින්...

තමන්ගේ වත්තේ තම්පලා ගහක් සිටවා ගන්නේ නැති, ගෙදර වෑස්සිගෙන් කිරි ටික දොවා ගන්නේ නැතුව හන්දියේ සුපර් මාර්කට් එකෙන් ගෙනත් වස විස රට පිටි කිරි බොන...
රෝග රැසකට ගුණ දෙන පවට්ටා පඳුර දිහා බලමින්...
මුලේ, කොලේ, දණ්ඩේ, පොත්තේ ඖෂධ පිරි කොහොබ ගහ සෙවනේ සිට පැනඩෝල් බොන...
ගෙදර පෙරුම්කායම් තියාගෙන පොඩි උන්ට ඇන්ටිබෝයෝටින් දෙන...
දොළේ නිකන් හැදෙන කෝමාරිකා අමතක කර විස වර්ග මුහුණට ක්‍රීම් උලන...ජෙල් තෙල් කොන්ඩේට හලන ගාන...
මුරුංගා ගහම දළබුවන්ට කන්න දී, කෙමිකල් ව්‍යග්‍රා ගිල දමන...
මෝඩ යක්කු export agri ගැන කතා කරනවා.ඉතින් කොහොමැයි රට හදන්නේ. ලොකු ලොකු මාතෘකා ගැන හොයාගෙන යනඑක පැත්තකින් තියලා අපි අපේ අවට නිතර දකින්නට පුළුවන් කෙහෙල්මලක් ගැන අද කතාකරමු.

ඉස්සර නම් අපේ ගමේ උන්නු කාලේ රාත්‍රියේ අනිවාර්යයෙන්ම වවුල් හාමිලාගේ චරුචුරුව ශුවර් .රට දියුණු වෙලා නේ ඒ නිසා වවුල් සවුන්ඩ් දැන් නෑ. මී ගසුත් නෑ. කොට්ට පුලුන් ගස් නෑ. වවුල් සවුන්ඩ් ඔෆ්. මටතාම මතකයි මීට වසර ගනනකට විතර උඩ අපේ ගෙවල් වටේ වවුල් හාමිලාගේ මියුසික් ගේ ලගම ඇහෙනවා. කොට්ටම්බා ගහේ එයාලා රෑට බරවැඩ.කොට්ටම්බා කිවුවාම මගේ මතකෙ ඉස්කෝලේ කාලෙට යනවා.
පුංචිකාලෙ ඉස්කෝලේ ඇරිලා තාප්ප කෑලි, කොට උඩ කොට්ටම්බා තලපු මතකය..ඉතින් ඒ කහට පිරිච්ච කොට්ටම්බා මතකය ටිකක් මොඩිෆයි කරගන්න මේක හොද වෙලාව කියලා මට හිතුනා.ආ මේ මාතෘකවෙත් export agri තියෙනවා අමතක වෙනවා බොලේ හොදේ....

උදෑසනම පිපෙන පියකරු මල් නිසා ‘පුබුදන්නා ‘ ලෙස කොට්ටම්බා හැඳින්වෙනවා.ලංකාවේ විතරක් නොවේ ආසියානු අප්‍රිකානු ඕස්ට්‍රේලියානු රටවල් ගණනාවක දක්නට ලැබෙන කොට්ටම්බා ප්‍රභේද 80කින් පමණ යුක්තයි. අපේරටේ බටු හා පෙතන් වශයෙන් ලොකු කුඩා දෙවර්ගයක් තියෙනවා .
අපේ වත්තේ කෙලවරේ දොළ අයිනෙත් පත පෙතන් කොට්ටම්බා ගකක් තිබුණා.ගෙඩි හැදෙන කාලෙට වකාරේ. ගහ යට ඉලුක් පදුරේ හාවන්ගේ තිප්පොලොවල්. හාවෝ කන් පෙති උස්සා පන එපෝ කියලා දුවන්නේ කොල්ලෝ රැන තරගෙට ගාල කඩාගෙන එන නිසා.කොට්ටම්බා ගහ යට තිබුණු stand-by කළු ගල් දෙක පිහිටෙන් පොත්ත කා වවුලන් බිම දැමු ඇට තලා කන්නේ කිරි කහට රස ඇති පුළුටු සුවදත් සමගය.
ආමන්ඩ් ඇටවලට රූපෙන් ගුණයෙන් කොට්ටන් ඇට සමානවන නිසාදෝ tropical almond, ඉන්දියන් ආමන්ඩ්, මලබාර් ආමන්ඩ්, යනාදි නම්වලින් කොට්ටන් හඳුන්වනු ලබනවා.
ඉදුණු විට රතු හා කහ පැහැති ගෙඩි දක්නට ලැබෙන අතර පොත්ත අසල ඇති මාංශල කොටස පලතුරක් සේත්, ඝන ඇටය තුළ ඇති දුඹුරු පොත්තකින් වැසුණු සුදු මදය ඇට වර්ගයක් සේත් ආහාරයට ගනු ලබනවා.
ඇටයේ පොත්ත හැර බැද කුඩුකර කිතුල් පැණි හා මිශ්‍රකර අග්ගලා සකසනවා.
එය බැදීමෙන් මෙන්ම පිසීමෙන්ද, ආහාරයට ගත ,හැකි වුවත් වඩාත් ගුණදායකවන්නේ අමුවෙන් ආහාරයට ,ගැනීමෙනුයි.
විටමින් E බහුල B-නියැසින් ප්‍රෝටීන්, යකඩ සින්ක් මැග්නීසියම් පොටෑසියම් තන්තු අසංතෘප්ත මේද ඇමයිනෝ අම්ල ආදි පෝෂක ගණනාවකින් සපිරි කොට්ටන් ප්‍රතිඔක්සිකාරක හා ප්‍රතිශක්තිකරණ ගුණවලින්ද පොහොසත්.
එහි ඇති සෙලනියම් මැන්ගනිස් හා ෆැවනොයිඩ් සිරුරට හිතකර විශේෂ කාර්‍යයන් ඉටුකර දෙනවා .ඒ කොට්ටම්බා ගැන සාමාන්‍ය වතගොත.

එතකොට ආයුර්වේයේ කොට්ටම්බා මද රුධිරගත සීනි පාලනයට උපකාරිවන බව සදහන්.එවගේම ආහාර ජීර්ණ පද්ධතියටත් හිතකරයි.
හම ඇස් දත් හදවත ආදී ශරීරාංග දිගුකලක් සුවපත්ව තැබීමේ හැකියාව කොට්ටම්බා සතුයි.දිනපතා කොට්ටම්බා ඇට ආහාරයට ගැන්මෙන් පිළිකා පමණක් නොව, හදවත් රෝග ද දියවැඩියාවද පාලනය වනවා. පිත්තාශයේ ගල් සෑදීම වළකිනවා. මහත පාලනයවනවා.ඒවාගේම රුධිර ධාවනයක් සිදුවන අතර කොලෙස්ටරෝල් මට්ටම පාලනය වනවා . ආඝාත අවදානමද අවමවනවා.අපේ නංගිලා අක්කලාට මතක් කරන්න ඕනෙ විශේෂයෙන් කොට්ටන් සම රැක දෙන අතර චර්ම රෝග, ආසාදන, කුරුළෑ ලප කැළැල් දුරු කර පැහැපත් කර දෙනවා .කොට්ටං ටික හොයාගෙන තලා ගත්තොත් ඔය අනං මනං ක්‍රීම් වලට යන වියදම ටිකක් අඩුවෙයි හොදේ.

ගොඩක් අය හිතාගෙන ඉන්නේ කොට්ටං කියන්නේ කිසිම වැදගැම්මකට නැති ගහක් කියලා .ඒක නිසා කොට්ටං ගහ කපනකොට පවා මිනිස්සු බනිනවා මේ මොන කරුම ගහක්ද කපන්න වත් බෑනේ කියලා .දැන් අපේ කාලේ පුතේ කොට්ටං ගස් කපන්න නෙමේ ටිකක් වැඩිපුර හිටවාගන්න.ඒ වෙන එකක් නිසා වත් නෙමෙයි කොට්ටන් කියන්නේ ගොඩක් වටිනා ශාකයක් විද්‍යාත්මකව කොට්ටං කියන්නේ අති විශාල ගුණයක් සහිත ගසක් .මූල්‍යමය වශයෙන් කොට්ටං කොලෙත් විකුණන්න පුළුවන් රටක් මේක .ලග පාත තියෙන රටවල් කොට්ටං කොලේ පවා විකුණන බව
අන්තර්ජාලය පරිශීලනය කලොත් ඔයාලට බලාගන්න පුළුවන් .නිකං නෙමෙයි රුපියල් 5000 ආසන්න මිලකට කොට්ටම්බා කොල සීයක් මිල කරන්න පුළුවන්.
මම දැනට ජිවත් වෙන ජර්මන් රටේ වෙලිච්ච එක කොලයක් ශ්‍රී ලංකා මුදලින් රුපියල් 200 වැඩි මිසක් අඩු නෑ. ඕවා පිටරට යවන ලොකු මුදලාලි ඕවා කියන්නේ නෑ.කේවල් කරනවා. පොඩි කන්ටැක්ස් එකකවත් දෙන්නේ නෑ බයයි තව එකෙක් කරයි කියලා.මොකද අතින් පයින් යන දෙයක්ද නැනේ. තොරතුරු ලික් වෙනවට ඒ මහත් හොරු කැමති නෑ. ඒ වග ගෙදර වගේ දන්නවා.ඔන්න මම ලික් කරා, ඔත්තුවක් දුන්නා ඔන් එහෙනම්. පුළුවන් කෙනෙක් ඉන්නවානම් කරන්න උත්සාහයක් කලොත් හරිම සතුටක්. මේ මම ලියනවට කියනවට බලන්න එපා...
සකර්බර්ග් මහත්තයාගේ පොතේ, ඊබේ එක පැත්තේ රවුමක් දාලා බලන්න .දැන් ඔයාලා අහයි බලයි කොට්ටම්බා කොල මොකටද කියලා .එකත් පොඩ්යට දන්න විදිහට ලිව්වා නම් හොදයි කියලා හිතුනා. සුරතල් මත්ස්‍ය ව්‍යාපාරයේ දී කොට්ටම්බා කොළ ඉතා වැදගත් සාධකයක් වනවා.මාලු පැටවුන් බෝ වීම ඒ සඳහා අවශ්‍ය ප්‍රධාන ද සාධකයක් වන කළු ජලය නිර්මාණය කිරීමට ඒ කියන්නේ ස්වාභාවික තත්වයේ ජල තටාක නිර්මාණය කිරීමට කොට්ටම්බා කොළ වලට තියෙන තැන වෙන කොහේවත් නෑ.අවශ්‍ය උදවිය මේවා මිලදී ගන්නවා .දැන් හැමෝම කොට්ටං කොළ එකතු කරන්න යන්න එපා.මට ඕනේ උනේ ඔහේ හැදෙන කොට්ටං ගහ ට නියමිත තැන් අරන් දෙන්න.ඉතින් තවත් විස්තර කොට්ටම්බ ගැන ඔයාලට ඕනෙ තරං අන්තර්ජාලයෙන් හොයාගන්න පුලුවන්.හැම තිස්සෙම අපි අපේ තියෙන සම්පත් හරි විදිහට කළමනාකරණය කරමු.මේ පොළොවෙ වැවෙන හැම තණකොල ගහක් පවා බෙහෙතක් වටිනා කමක් ගුණයක් සහිතයි .මට මතක් වෙනවා අපේ ජාතක පොතේ එක තැනක තියනවා මහෞෂධ පණ්ඩිතයන් පිටත් කරනවා කොහේ හරි තියනවනම් බෙහෙත් එකට ගත නොහැකි ගහක් කොළක් පොත්තක් අරගෙන එන්න කියලා ඔහුගේ ගුරුවරයා අන්තිමට එතුමා එන්නේ හිස් අතින් ඉතින් ඒවාගේ අපි අපඅවට ඇති බොහෝ ශාක වල ඇති වටිනාකම අප තේරුම් ගතයුතුව ඇත.ඒවාගේම ඒවා මානාව කලමණාකරනය කොට ප්‍රයෝජනයට ගතහොත් මීට වඩා ගමනක් අපහට යෑමට හැකිවනු ඇත.

නිකන් හැදිලා වෙළිලා බිමට වැටෙන කොට්ටම්බා කොළේ ඉදලෙන් අතු ගා ගිණි තියන්න එපා ඔන්...

දඩාවතේ ගිහින් එන බල්ලාට දමලා ගහන වෙළුණු දණ්ඩත් පැලවෙන දළුලන රත්තරන් පොළොවක් මගේ මවුබිම...

සැ.යු. මෙම ලිපියේ බොහෝ තොරතුරු අන්තර්ජාලයේ නම නොදත් කතුවරයකුගෙන් ලිපියකින්ද, මගේ මතකයන් හා අතිත ජිවන සිදුවීම් ඇසුරෙන්ය.